Spektakli i njohur “Big Brother Albania” vazhdon të sjell befasi të ndryshme nga java në javë.

Shtëpia, e cila tashmë brenda saj ka vetëm çifte, është kthyer në shtëpinë më të vëzhguar të shqiptarëve, të cilët ndjekin spektaklin 24/7.

Një kureshtje të madhe tek publiku zgjon çdo javë edhe çifti opinionist i spektaklin, i cili çdo javë është ndryshe.

Javën e kaluar në karrigen e opinionistëve janë ulur banorët e eleminuar nga shtëpia Kleodiana dhe Egnajti, ndonëse ishte paralajmëruar që do të ishin Lind Islami dhe Venera Lumani, por që kjo zgjedhje ndryshoi në minutat e fundit.

Burime të Telegrafit pranë spektaklit bëjnë të ditur se këtë javë opinionistë në “Big Brother” do të jenë çifti i njohur i skenës Big Basta dhe Vesa Luma.

Kjo e fundit ka qëndruar këto ditë në Kosovë për xhirimet e klipit të ri, ndërsa është nisur për Tiranë, ku bashkë me bashkëshortin e saj do të gjykojnë lojën e çifteve në natën e spektaklit, të shtunën mbrëma.

Se si do t’i komentojnë banorët e shtëpisë çifti që ka bërë bashkë dy shtete, kjo mbetet t’u parë.